والفرق بين البروفيدر والموزع والشبكات الغير شرعيه
ولية هيا غير شرعيه
قبل اى حاجة انا رفعت رسم توضيحى لية ابراج الثرى جى والتو جى شرعى
ويمكن الناس الاشتغلت وتعمقت فى الوايد اريا كونكشن
هتفهم الرسم بس عموما اعتقد ان معظمكم هيتابع الرسم
وهفهم البداية فين والنهايه فين وايه معنى الانترنت سرفيس بروفيدر
او اختسارها اى اس بى
لو معانا شركة مثلا زى لينك او تى اية داتا
او نور او يلا مصر بيشتغلوا كا بروفيدر
من حقهم يطلعوا باندوث لو ليهم خدمة متوفرة مثلا فى اى سنترال
بس ده بيبقا حسب قدرتهم هما وكمية السورس
الهيكونوا متفقين عليها من المصرية للاتصالات
لفرق بين ال اى اس بى
والموزع
ن الاى اس بى هتلاقى له رينج اى بى با اسمه ودومين شركته مسجل عليه
والبريد الاكترونى بتاعه مسجل عليه ومن هنا يبقا هو الاونر الفعلى
زى لينك وزى تى اية داتا وزى نيل اونلاين
من السهل انك تبقا بروفيدر هتتعب شوية فى البداية وتاخد ترخيص
بس من الصعب انك تاخد ترخيص لمزاولة بث هوائى لموجة انترنت
الا اذا البث ده عن طريق بروفيدر يعنى البروفيدر يصمم برج بث
والبرج ده يكون بيطلع نقل بيانات الجيل الرابع
او التالت او حتى يصمم برج بموجة مش موجودة فى مصر
ولا حد غيره بيستخدمها بس
بشرط ان البروفيدر يطلع لكل عميل اى بى شرعى مخصص ديديكاتيد
هبسطهالك انت فى الشبكة الغير شرعيه
بتطلع لكل عميل اى بى لوكال محلى ممكن يكون 192.168.88.1
ممكن يكون 10.5.50.1 ممكن يكون 10.0.0.1 اى ان كان
ده مش معترف بيه عند وزارة الاتصالات
ده لوكال محلى
انما البروفيدر لما يوزع هوائى بتقنية معينة
فا من هنا هيقدر يطلع اى بى مخصص لكل عميل
فا ينطبق عليه الشروط
انما لو رفعنا برج بث والسورس هو اى بى
مشترك بين كل العملاء كدا هتبقا غير مطابقة للمواصفات الفنية
وليها عواقب كتير وده شىء متفق عليه فى العالم كله حتى فى دول اوروبا
لو انت سايب الروتر بتاعك ويرليس مفتوح وحد استخدمه من غير ما تعرف
وعمل جريمة على النت سرقة فيزا او اختراق موقع مهم او رفع فيديو ارهابى ا
و تهديد امن قومى البيتجاب هو صاحب الروتر
وبيتحقق معه عشان كدا لازم البروفيدر الشرعى يبث هوائى
وكل شخص يكون له اى بى ثابت لوحده يتحمل مسؤلية نفسه
فا الامن يجى يقولك ازيك عامل اية معلش عوزين اسم صاحب الاى بى ده
وعنوان تقوله اتفضل يقولك شكرا سلام عليكم
ويمشى انما فى حالة عدم الشرعيه
الامن ميفهموش شىء غير ان الاى بى ده بتاعك مسجل على الشبكة العالمية
انه طالع من عندك وانت طبعا لامم معاك ناس ملها اول من اخر
فا طبعا الحسنة بتخص والسيئة بتعم واحد غلط الباقى يضر معه
انما نيجى بقا للموزع الموزع او الوكيل هو
شخص واخد اكونت ادارة لسيستم مع صلاحيات محدودة
ممكن لو هو معتمد وموثوق فيه اى تغيرات يعملها تتنفذ فى نفس اللحظة
لانه معتمد فا ممكن يرفع سرعه ينزل
سرعه يلغى تحديد عدد الجيجات زى ما كان بيحصل الاول فى اتصالات كدا
وفودافون كان يجى واحد موزع يدخل يفتحلك جيجات كتير ويرفع سرعتك
وياخد عمولة الموزع هو شخص شغال عند بروفيدر او وسيط بين البروفيدر
والمشترك العادى صاحب الروتر وطبعا الموزع بياخد عمولة ممكن 10 فى المية
من الاشتراك الانت بتدفعه وقابله للزيادة
انما البروفيدر ممكن يبقا بروفيدر عملاق زى لينك وتى اي داتا
او يبقا بروفيدر محدود وله عدد محدود من الاى بى هات المسجلة عالميا
ومعترف بيها زى نور ونيل اون لاين ويلا مصر وشركات كتير بلشكل ده
وخدين تصريح بمزاولة توزيع الباندوث
ويمكن تلات اربع شغلهم على الليزد لاين للعملاء يعنى تروح ليهم يدولك
ليزد لاين حسب طبعا ما بتتفق معاهم وطبعا كله رسمى
وبلسجل التجارى بتاعك كا موزع شرعى مينفعش تستخدم الترخيص
دى لتوزيع انترنت هوائى على اى موجة لان ده ترخيص وده ترخيص
____ مشاهده الشرح فيديو ____
DOWNLOAD
لتحميل الموضوع من الجهاز القومي لتنظيم الاتصالات
او
لاتنسي
(((((صلي علي النبي محمد صلي الله عليه وسلم))))))
⊙ شكرا لك على مشاهدتك ، ولا تنسى الانضمام للموقع وجروبنا علي الفيس الربيعTV
وكمان قناتنا علي اليوتيوب عشان توصلك جديدنا أول بأول!
⊙ شكرا لك على مشاهدتك ، ولا تنسى الانضمام للموقع وجروبنا علي الفيس الربيعTV
وكمان قناتنا علي اليوتيوب عشان توصلك جديدنا أول بأول!
-----------------
لمتابعتي ولمشاهده جديد فيديوهاتي اتمني منكم الاشتراك
علي قناتي علي اليوتيوب
والاشتراك في مدونتي
وعلي الفيس بوك
اخوكم ربيع عيد
*************************
